E IO PAGO

E io pago … e io pago!   

V’allicurdate?

Nun ve site scurdate?

‘O ddicette Totò,

il mitico Totò,

dint’a ‘na scena ‘e ‘nu film ‘e tant’anne fa.

‘Sti  pparole, so’ remaste cca,

stampate dint’ a ‘stu cerviello mio.

Chesta, è stata ‘na vera prufezia,

‘na prufezia c’ha cagnat’ ’o restino r’’o popolo italiano.

Forse,  ve parararrà,  assaje strano

ma, nunn’è, nunn’è ‘na fessaria

mo, è overo, nun asiste cchiù ‘a funnuaria,

ma tasse, tasse, tasse, tante tasse da pavà:

ICI, IMU, TARE, TARES, IUC, TASI…

Ohhh mamma mia,  che pacciaria!

Ma… aggiate pacienza,  nun ve mpressiunate,

pecchè, pecchè nunn’aggio fernuto ancora:

Addizionale Comunale,

Iva, Irpef e Addizionale Regionale.

Da brave contribuente,

nuje, nuje che putimmo fà

si nun vulimme essere cunziderate evasore fiscale?

Hamma pavà! Hamma pavà!

Stu guverno nuosto,

cu na bella faccia tosta,

ce lo impone

e nun vo’ propia sapè ragione!

E nnuje, e nnuje tutte nzieme,  ohhh popolo italiano,

cu tutt’ ’o sciato, cu tutt’ ’o sciato hamma alluccà:

E io pago… e io pago!

Lorenzo Giuliano

 E IO PAGO

 E io pago … e io pago!

Vi ricordate?

Non vi siete scordati?

Lo disse Totò,

il mitico Totò,

in una scena di un film di tanti anni fa.

Queste parole, sono remaste qua,

stampate in questo cervello mio.

Chesta, è stata una vera profezia,

una profezia che ha cambiato il destino del popolo italiano.

Forse,  vi sembrerà,  assai strano

ma, non è, non è una fesseria

ora, è vero, non esiste più la fondiaria,

ma tasse, tasse, tasse, tante tasse da pagare:

ICI, IMU, TARE, TARES, IUC, TASI…

Ohhh mamma mia,  che pazzia!

Ma… abbiate pazienza, non vi impressionate,

perchè, perchè non ho finito ancora:

Addizionale Comunale,

Iva, Irpef e Addizionale Regionale.

Da bravi contribuenti,

noi, noi che possiamo fare

se non vogliamo essere considerati evasori fiscali?

Dobbiamo pagare! Dobbiamo pagare!

Questo governo nostro,

con una bella faccia tosta,

ce lo impone

e non vuole proprio sapere ragione!

E noi, e noi tutti insieme,  ohhh popolo italiano,

con tutto il fiato, con tutto il fiato dobbiamo gridare:

E io pago… e io pago!

‘O VASE ‘E NOTTE

‘O vase ‘e notte?

Appizzate ‘e recchie:

nunn’è  “il bacio di notte”!

“Un bacio di notte”,

è ‘na cosa assaje romantica e…

penzate subbeto a ‘nu cielo stellato

a ‘na luna ‘ncantata

a dduje ‘nnammurate.  

A Nnapule, è “il vaso da notte“,

sissignore, avite capite bbuono è:

“ ’O rinale… ‘o pisciature”.

‘Na vota, era  assaje usato.

V’allicurdate o, forse, quaccuno s’è già scurdate?

Dint’a tutt’ ‘e ccase ce steva ‘o rinale

e steva astipate cu ttanta cura sott’ ’o llietto

o dint’ ‘o mobiletto. 

Ehhh! …. che bulite…. dint’’e ccase,

nun nce steva ‘a toilette!

Ogge ce sta, ‘o bbagno ‘e servizio, ‘o bbagno patrunale,

‘o lavandino, ‘a vasca da bbagno, ‘o cesse e ‘o bidette….

nce so’ cchiu commodità. 

Ogge, dint’ ’e ccase, ‘o rinale,  

‘o rinale nun nce sta cchiù,

è sulo ‘nu ricordo, ‘nu ricordo luntano, ‘e giuventù!

‘A  MAMMA

‘A mamma è n’angelo, n’angelo ‘e buntà,

quanne si piccerillo, nun te lassa maje        

te piglia pe ‘a mano e t’accumpagna.

Quanne po’ si giuvinotte

pe’aspettà a tte nun dorme ‘a notte.

T’aspetta ogne mumente 

e si tiene nu turmiente,

che sacce, nu rispiacere,

te stregne forte forte ‘mpiette,

t’asciuga tutt’ ’e llacrime e te cunzola

cu na carezza roce, nu vase e nu surriso

te riala nu poco ‘e tranquillità,

nu poco ‘e paravise.

Io ringrazie a Ddio, pecchè

pecchè riale cchiù bello nun m’ ’o puteva fà.

Mo, ‘a mammarella mia è vicchiarella,

tene cchiù ‘e nuvant’anne

e ‘a quanne so’ nnato,

cchiù ‘e sissant’anne,

pure pe’ mme, so’ passate:

songo, quase quase, pur’io vicchiariello!

Quanta mumente belle,

quanta mumente felici

e quanta sacrifici

mammina cara, mammina bella.

Aje crisciute cu ‘o stess’ammore sette figli,

e nnuje simme tutte assaje cuntiente

ca hamm’avute na mammarella

bella e roce comm’ a tte!

So dduje anne, però, ca quanne te veche,      

penzanne a tte,

mme piglia, mme piglia

nu poco ‘e malincunia:

te veche stanca, cunzumata,

a poco a poco ‘a vita toja 

se sta stutanne comm’a na cannela

dint’a stu lliette ‘e sufferenza.

Io, m’addummanne, ogne mumente,

che pozze fà, che pozze fà pe tte?

‘A risposta: nun pozze fà,

nun pozze fà propie niente!

Pozzo sulo prià a Dio

ca t’accugliesse cu ttanta  misericordia

rint ‘e braccie soje

e te purtasse, te purtasse cu isse ’mparavise!

Lorenzo Giuliano

LA  MAMMA

La mamma è un angelo, un angelo di bontà, / quando sei piccino, non ti lascia mai / ti prende la mano e ti accompagna. / Quando, poi, sei  giovanotto / per aspettare te non dorme la notte. / Ti aspetta ogni momento  / e se hai un tormento, / che so, un dispiacere, / ti stringe forte forte al petto, / t’asciuga tutte le lacrime e ti consola / con una carezza dolce, un bacio e un sorriso / ti regala un po’ di tranquillità, / un po‘ di paradiso. / Io ringrazio Dio, perché / perché regalo più bello non me lo poteva fare. / Mo, la mammarella mia è vecchierella, / ha più di novant’anni / e da quando sono nato, / più di sessant’anni, / pure per me, sono passati: / sono, quasi quasi, pur’io vecchierello! / Quanti momenti belli, / quanti momenti felici / e quanti sacrifici / mammina cara, mammina bella. / Hai cresciuto con lo stesso amore sette figli, / e noi siamo tutti assai contenti / perché abbiamo avuto una mammarella / bella e dolce come te!  / Sono due anni, però, che quando ti vedo, / pensando a te, / mi piglia, mi piglia / un poco di malinconia: / ti vedo stanca, consumata, / a poco a poco la vita tua  / si sta spegnendo come una candela / in questo letto di sofferenza. / Io, mi domando, ogni momento, / che posso fare, che posso fare per te? / La risposta: non posso fare, / non posso fare proprio niente! / Posso solo pregare Dio / che t’accogliesse con tanta misericordia / nelle braccia sue / e ti portasse, ti portasse con lui in paradiso!

ROCCO E GEPPINO

Rocco e Geppino?

Duje cumpagne amate,

duje faticature, sempe, assaje mpignate.

‘A fatica corre nnanze e llore appriesse

e cull’uocchie ‘a fore, puverielle, vonno fa ampressa,

ma nun ‘a ponno maje arrivà

e nun sanno, propia, comm’hanna fà!

Rocco, ogne tante,

va in televisione a ffà l’aiutante,

l’aiutante ‘e Mastrolindo,

ca p’ ‘a pubblicità è paricchie arricercato,

tene ‘nu puzzo ‘e fatica e Rocco spisso spisso,

pe l’aiutà, va nzieme a isso.

Mo, Rocco, è tanto conosciuto,

ca quanne cammina pe mmiez’ ‘a via,

‘e guagliune, o p’ammirazione, o pe simpatia,

‘o chiamma: “Mastrolindo!!! Mastrolindoo!!!

Mi fai un autografo”? -

e pure ata ggente distratta, ‘o chiamma,

e tutte nzieme: “Pur’a mme, pur’a mme”!

-“Ma, io, vedete, non sono Mastrolindo,

sono solo l’aiutante,

e vado da lui, di tanto in tanto”.

“ ‘O ssapimmo, ca nun si Mastrolindo,

ma tu nun fà ‘o fessa,

l’autografo faccillo ‘o stesso”!

Rocco, è, veramente, assaje cuntento,

anche se è un lavoro occasionale,

dopotutto, non gli va tanto male

e vulesse  purtà, pure, all’amico Geppino,

ma chillo, Geppino, 

corre sempe a Venezia a fà ‘o gondoliere

e pe isso, nunn’è ‘nu mestiere,

è ‘na vocazione,

ca tene ‘a quann’era guaglione.

Cu ‘e turiste, tene overamente

belle maniere

e  ffa ‘o gondoliere, 

cu ‘o core e ‘o sentimento.

Vo’  fà bella figura

e d’ ’a stanchezza, proprio, nun se cura

e po’ ‘a canzuncella napoletana vo’ pure cantà.

Pecchè, ‘e turiste ca veneno a Venezia,

nun s’hanna ncantà,  sulo, a verè Venezia,

pecchè  pure ‘e Geppino, maje, maje, s’hanna scurdà!

E po’, ‘nubello gondoliere comm’a isso

addò ‘o vanne a truvà?

E  sta accussì stanco ‘a matina,

ca pure, quann’ ‘o vire,

ca calme calme, se fa ‘na fumatina,

tene sempe ‘o penziere…

‘e fa ‘o gondoliere!

Rocco e Geppino?/ Due amati compagni, / due lavoratori, sempre, molto impegnati. /  Il lavoro corre avanti e loro dietro e con gli occhi da fuori, / poveretti, non lo possono mai raggiungere / e non sanno proprio come fare! /  Rocco , ogni tanto, / va in televisione a fare  l’aiutante, / l’aiutante di Mastrolindo, / che per la pubblicità è parecchio ricercato,

ha tanto lavoro e Rocco spesso spesso, / per aiutarlo, va insieme a lui. / Mo, Rocco, è tanto conosciuto, / che quando cammina in mezzo alla strada, / i ragazzi, o per ammirazione o per simpatia, / lo chiamano: “Mastrolindo!!! Mastrolindoo!!! / Mi fai un autografo”? - / e pure altre persone distratte, lo chiamano, / e tutti insieme: “Pur’a me, pur’a me”! / -“Ma, io, vedete, non sono Mastrolindo, / sono solo l’aiutante, / e vado da lui, di tanto in tanto”. / “ lo sappiamo, che non sei Mastrolindo, / ma tu non fare il fesso, / l’autografo faccelo lo stesso”! / Rocco, è, veramente, assai contento, / anche se è un lavoro occasionale, / dopotutto, non gli va tanto male / e vorrebbe  portare, pure, l’amico Geppino, / ma quello, Geppino,  / corre sempre a Venezia a fare il gondoliere / e per lui, non è un mestiere, / è una vocazione, / che ha da quando era ragazzo. / Con i turisti, ha veramente / belle maniere / e  fa il gondoliere,  / con il cuore e il sentimento. / Vuole fare bella figura / e della stanchezza, proprio, non si cura / e poi la canzonetta napoletana vuole pure cantare. / Perché, i turisti che vengono a Venezia, / non si devono incantare,  solo, a vedere Venezia, / perché  pure di Geppino, mai, mai, si devono scordare! / E poi, unbel gondoliere come lui / dove lo vanno a trovare? / E  sta così stanco la mattina, /che pure, quando lo vedi, / che calmo calmo, si fa una fumatina, / ha sempre il pensiero … / di fare il gondoliere!

Pasqua

Suonano al nuovo giorno

le campane a festa.

Sui monti intorno

un tiepido sole

lentamente sale.

La campagna ormai fiorita,

di bellissimi colori si veste:

è tornata la vita.

Sotto un terso cielo celeste

nell’aria leggera, uno stormo

d’uccelli volteggia.

Oggi, è un giorno di festa

è un giorno molto speciale,

è un evento universale:

Gesù, che per noi era morto

è per noi, oggi, risorto

e con infinita misericordia

ad esser più buoni ci esorta.

Ci dona il suo cuore

colmo d’amore

e una soave brezza

la nostra anima accarezza.

Estasiati al suo sorriso

ci sentiamo, anche noi, in paradiso!

2016

                Lorenzo Giuliano

‘O mestiere cchiù difficile

‘O mestiere cchiù difficile?

È a ffa’ ‘a mamma e ‘o pate cu chesta società

addò nce sta troppa libbertà

e i figli nun te stanno cchiù a sentì…

Mo’, guaje a ddì

quaccosa a ‘nu criature,

pe ‘o fà crescere educato,

subbeto t’accusano pure,

ca l’aje  maltrattato!

Se i figli so’ asiggente?

Tu l’aja accuntentà!

… ‘o vvole chesta nosta società!

E po’,  ‘o  piccerillo, s’adda esprimere libberamente:

- Te ietta ‘na cosa nfaccia?  Ma cche fa!

Nun ‘o puoje traumatizzà,

pecchè’…  si  nunn’ è scustumato,

nunn’ è comm’ a l’ate: è n’emarginato!

- ‘E  ggiuvene  tutt’  ‘a nuttata,

nun dormono,  stanne scetate,

scagneno  ‘a notte pe  ‘o iuorno

e s’aizeno d’ ’o lietto doppo mieziuorno?

… So’ ggiuvene,  nuje  anziane, che putimmo capì!

E’  ‘a società, vuje ‘o ssapite, mo, va nnanze accussì! …

‘O cinema e ‘a telavisione,

mo,  songo “ ’a mamma e ‘o pate” ‘e chesta  generazione!

Nuje,  nun cuntamme  cchiù niente,

tutte nce sentimme mputiente!

….ma ora basta per carità!

Nun putimme stà ancora a guardà,

amma stutà ‘a telavisione

e piglià nata vota mmano ‘a situaziona, 

comme hanno fatto ‘e viecchie antiche,

ca   cu tutt’ ‘e defiette,  pecchè nisciuno è perfetto,

sapevano mantènere  ‘o  rispetto

e c’era tanta aducazione,

da ‘u cchiù gruosse  a  ‘u cchiù guaglione,

‘a famiglia era unita,

 i matrimoni duravano tutta ‘na vita!

                                                                                30/03/2009

‘Il mestiere più difficile

Il mestiere più difficile? / È fare la mamma e il papà in questa società / dove c’è troppa libertà / e i figli non ti stanno più a sentire … / Ora’, guai dire / qualcosa a un bambino / per farlo crescere educato, / subito t’accusano pure, / che lo hai  maltrattato! / Se i figli sono esigenti? / Tu li devi accontentare! / … lo vuole questa nostra società! / E poi,  il  piccolino, si deve esprimere liberamente: / - Ti lancia qualcosa cosa in faccia?  Ma che fa! / Non lo puoi  traumatizzare / perché …  se  non è maleducato, / non è come gli altri: è un emarginato! / - I  giovani  tutta  la notte, / non dormono,  stanno svegli, / scambiano  la notte per  il giorno / e si alzano dal  letto dopo mezzogiorno? /  … Sono giovani,  noi  anziani, che possiamo capire! / E’  la società, voi lo sapete, ora, va avanti così! … / Il  cinema e la televisione, / ora,  sono “ la mamma  e  il  padre” ‘di questa  generazione! / Noi,  non contiamo  più niente, / tutti ci sentiamo impotenti! / …. ma ora basta per carità! / Non posiamo stare più a guardare, / dobbiamo spegnere la televisione / e prendere un’altra vota in mano la situazione, / come hanno fatto i vecchi antichi, / che con tutti i difetti,  perché nessuno è perfetto, / sapevano mantenere  il  rispetto / e c’era tanta educazione, / dal  più grande  al  più piccolo, / la famiglia era unita, /  i matrimoni duravano tutta la vita!

AMMORE  ‘E  ‘NA VOTA…

Tanta tiempo fa,

quanno io era guaglione,

nun c’era tanta libbertà,

si te piaceva ‘na guagliona,

aviva  fa’ ciente appustamiente

pe ‘a fermà…  pe ce parlà.

Quanno  po’ ‘a ncuntrave, 

aviva fa’, pure, ‘o  ‘ndifferente

e si pe’ ccaso, essa, te smicciava, 

‘o sciato te mancava

‘o core se fermava,

‘e ddnocchie tremmavano…

Po’, chianu chiano, pigliave curaggie,

t’abbicenave e lle dicive:

- Buongiorno, Carmè…

te pozz’accumpagna’ Carmè,

speranno ‘e nun te risturbà?-

- No, Grazzie!

- E pecchè nun te pozz’accumpagnà … Carmè?-

- Pecchè, io, nun  me voglio

  d’ ‘a gente fa  vere’ cu tte,

  i’ songo ‘na femmena onesta e si ‘o ssape mammà e papà,

  so’ guaje, m’accireno ‘e mazzate e perdo  ‘a libbertà! -

- Ma i’ tengo ntenzione serie e si tu me vuò… Carme’,

vengo proprio mo, ‘o bbì, 

addò mmammeta e patete a parlà.

- No… aspetta, voglio primma  io essere sicura   ‘e  te…

po’ ne parlammo, pe mmò nun saccio … aggie pacienzia…  aspetta -

e se ne fuiette ‘e corsa... in fretta in fretta.

Doppo quacche ghiurno, Carmela accumparette.

Io  aspettava ‘a risposta…

forse pe ppaura d’ ‘a ggente nun me dette retta 

o comme se l’avesse fatt’apposta…

all’antrasatta, Carmela, scumparette,

e io a vocca aperta rummanette.

Carmela, mme steva dint’ ‘o  core

e pe’ chist’ammore,

i’ vuleva n’ata occasiona,

mme piaceva assaje, assaje sta guagliona.

Finalmente, ‘a  ncuntrai  doppo ‘na semmana

e subbeto lle dicette c’ ’o core mmano:                     

Carme’, aspetta, nun te ne scappà,

mo simmo sule…  putimmo parlà!

Dimme ca si… nun me fa spantecà,

tu si ‘a vita mia, si ll’ammore,

tu ‘o ssaje, t’ ’o ddico cu tutt’ ‘o core!

- Tu … Toto’… ‘o ddice, ‘o ddice overamente,

o mme vuo’ sfottere pe’ te piglia spasse

e po’ piglie e mme lasse?

 - Siente Carme’,  t’ ‘o ddico sinceramente,

appassionatamente,

io moro pe’ tte, m’hê credere!!! –

-… Si so’ pparole sincere

… e chelle, ca tu, m’ hê ditto è overo… Toto’…

‘o core mio, comme pegno d’ammore ti do’

e stu rìalo te voglie, propia fa’,

pecché pe tutta ‘a vita, io, te voglie ama’!

Mia Madre

Tu, Madre,

sei la santa donna

che mi ha donato la preziosa vita.

Ora giaci, immobile,

nel tuo letto di sofferenza.

I tuoi occhi mi cercano                  

con timida insistenza

e quando i miei occhi incontrano i tuoi

il ricordo della donna straordinaria che eri,

affiora nella mia mente.

Tu, non conoscevi la stanchezza mai

e senza chiedere nulla in cambio,

hai dato sempre tutta te stessa.

Quando qualcuno lodava i tuoi figli,

brillavano i tuoi occhi

e il tuo dolce sorriso

illuminava il tuo angelico viso.

Tutto il mio conforto

porgere io ti vorrei,

per lenire il tuo dolore

ma al tuo silente esausto grido,

io mi sento impotente

e la mia tristezza aumenta.

Ora troppi, troppi ricordi                              

affollano la mia mente

di cose non fatte,

di parole non dette!

Avrei  voluto dirti

“Mamma, ti voglio bene”

ma queste parole,

sono rimaste mute,

in fondo al mio cuore.

Pensavo non fossero importanti:

prevaleva il mio ego.

Ora,  invece, vorrei gridarlo al mondo

che, la mia Mamma è la più bella,

la più buona di tutte le mamme!

“Mamma ti voglio bene”!

Nel mio peregrinare quotidiano,

per vicoli silenti e viuzze polverose di campagna,

mi sono, ad un tratto, trovato in un campo:

c’erano tutti i colori del creato.

Un desiderio indomito saliva

dai più recessi meandri del mio animo.

Tosto, il cavalletto e altri arnesi presi

e mi sistemai nel mezzo.

Qualcosa, sulla bianca tela,

a prender forma cominciava:

un prato verde, immenso;

alcuni bianchi casolari, coi tetti rossi, dal sole baciati;

altri tra alberi dalle ricche chiome celati;

all’orizzonte i monti, che quasi col ciel si fondono,

un cielo dall’aria chiara e soave.

Io, ero nel mio lavoro intento,

quando vidi, in una miriade distesa di fiori variopinti,

innanzi a me, ancor discosta, venire, lentamente, una fanciulla:

aveva capelli lunghi e d’oro, ondeggianti come seta;

occhi azzurri, cerulei;

labbra rosse, vellutate, come petali di rosa.

La sua pelle era levigata dal sole,

il suo leggiadro corpo, accarezzato da candide vesti  ed io …

avrei osato, aggiungere un paio di magnifiche ali

e un’aureola intorno al capo:

tanto era bella! …

Un mazzolino di fiori appena colti,

teneva nella mano gentile.

Ella, non s’era accorta di me …

e  la mia mano fulminea, dalla mente o dal cuore comandata,

quell’attimo fuggente, mirabilmente colse …

Avevo, finalmente, il quadro terminato,

quand’ella di me s’avvide:

si avvicinò, curiosa e sorridente;

guardò, con occhio attento e compiaciuta la mia opera:

era felice ed io … forse  più di lei.

Quasi inconsciamente il quadro

dal  cavalletto tolsi e … glielo donai …

Si fermò ed esitò un istante,

mi guardò… ed io rimasi abbagliato da tanta grazia

e scomparve.

Ancora oggi, io ripenso a quel quadro

che, è rimasto bene impresso nella mia mente

e al sorriso di quell’angelo

che non ho mai dimenticato!

Mmiez ‘a ‘nu mantiello niro niro,

sulo cu ll’uocchie ‘a fore, arravugliata,

mme venette a truvà, dint’ ‘a nuttata,

‘a Morte.

Tre vote, tuzzuliaie a la porta:

Chi   è? – io dicette.

- Songo io  - respunnette - …. ‘a  Morte - faciteme trasì!

- Che… che… che vulite? – V’aggio venuto a piglià!

… Vuje, vuje,  site nu certo Tore d’ ‘a Sanità? Ccà, aggia trasì!

- Si … ma, ma i’ songo ancora giovane e … tengo tanta cose ‘a fa’:

tengo ‘na mugliera e ‘nu figlio da sistemà!

‘A salute nun me manca e…  scusate, 

io, vulesse, ancora campà!

Poco luntano  ‘a ccà, nce sta ‘nu vicchiariello,

‘e nuvant’anne,   puveriello,

è sulo sulo… abbandunato,

‘u  cuorpo sujo, è tutt’addelurato,

se more ‘e famma…  nun tene ‘a magnà.

Cu  ‘a cape, nun arraggiona cchiù pe ‘a sufferenza.

E chi  sa quanta vote ha ppriato a Ddio:

“ Facitem’ ‘a grazzia, faciteme murì,

nun saccio cchiù, comme ve l’aggia di’ …

Nisciuno cchiù mme penza,

‘a  ggente, è tutta quanta ndifferente”.

…Signora Morte … llà, avita ì!

Sentite a mme, comme ve l’aggia fa capì?

 lassateme sta…  faciteme campà!

…songo ancora giovane e … tengo tanta cose ‘a fa:

tengo ‘na mugliera e ‘nu figlio da sistemà!

- Nonzignore, nonzignore,

nun ve pozzo accuntentà,

Dio, accussì mm’ha cumannato

e a lu posto vuosto, non mme pozzo purtà  a  n’ato,

vuje, mme capite? Nun ‘o pozzo disubbidì!

Perciò, mio caro Tore, faciteve curaggio, ve n’avita venì! -

Senza responnere cchiù manco ‘na parola, me mettette a correre

e cchiù fujevo e cchiù chella s’abbicenava,

anfina a quanno mme fuje ncuollo e ‘a forza mme mancava.

Ma, io, io nun vuleva murì  e alluccava alluccava…

nun ce ‘a facette cchiù e… mme scetaje.

Che dulore mme sentette nfronta e cu ‘a mano mme tuccaje

e che bello vuozzo, ncape,  mme truvaje!

Era caduto da ‘u lietto, ma era felice

e sapite pecchè?

Pecchè …  è ‘nu fattariello che ancora mo’ ve pozzo  dice!    

Avvolta in un mantello nero nero, / dal quale si vedevano solo gli occhi, / mi venne a trovare, nella nottata / la Morte. / Tre volte, bussò alla porta: / Chi è? – io dissi. / - Sono io – rispose - … la Morte, fatemi entrare! – / Che… che… volete? – Sono venuto a prendervi! / … Voi, voi, siete un certo Tore della Sanità? Qua, devo entrare! - / Si… ma, ma io sono ancora giovane e… ho tante cose da fare: / ho una moglie e un figlio da sistemare! /La salute non mi manca e… scusate, / io, vorrei, ancora, campare! / Poco lontano da qui, c’e un vecchietto, / di novant’anni, poveretto. / È solo solo… abbandonato, / il suo corpo è tutto addolorato / si muore di fame… non ha da mangiare. / Con la testa,  non ragiona più per la sofferenza. / E chi sa quante volte ha pregato Dio: / “fatemi la grazia, fatemi morire, / non so più, come ve lo devo dire… / nessuno più mi pensa, / la gente, è tutta indifferente”. / … Signora Morte … là dovete andare! / Sentite a me, come ve lo devo far capire? / Lasciatemi stare… fatemi campare! / … sono ancora giovane e … ho tante cose da fare: / ho una moglie e un  figlio da sistemare! / - No signore, no signore, / Non vi posso accontentare, / Dio, così mi ha comandato / e al posto vostro, non mi posso portare un altro. / Voi, mi capite? Non lo posso disubbidire! / Perciò, mio caro Tore, ve ne dovete venire! – / Senza rispondere più neanche una parola, / Mi misi a correre e più correvo e più quella si avvicinava, / fino a quando mi fu addosso e la forza mi mancava. / Ma, io, io non volevo morire e gridavo gridavo… / Non ce la feci più e… mi svegliai. / Che dolore mi sentii alla fronte e con la mano mi toccai / e che bel bernoccolo, alla testa, mi trovai! / Ero caduto dal letto, ma ero felice / e sapete perché? / Perché …. È un fatterello che ancora ora vi posso dire!

A’  PULITICA

Vurria parlà  mmiezo a tanta gente

ca cumm’a mme nun capisce niente.

Vurria parlà ‘e ‘na cosa semplice:

a me pare… ca tanta puverielle,

curreggiteme, se sbaglio, nun so felice

pecchè a vita è cara e nun se po campà…

ce so sulo bullette: acqua, luce e gas, ogni mese, da pagà!

E scusatemi se ‘nzisto

ma, avimma  o no pure magnà?

E pe magnà manch’ ‘e patane nce putimmo sazià

e pur’ ‘o ppane costa caro,  ‘a fatica nun ce sta,

e nun  ‘o putimmo accattà!

Quanno c’era ‘a Lira, v’allicurdate? Che ricchezza!

Mo’ ca nce sta ll’Euro, nce pensate? Che tristezza!

Costa tutto doje vote tante,

ma ‘a paga, però, è semp ‘a stessa

e si nun facimm’attenzione fernesce pur’ampressa.

E nun parlammo ‘e chi è pinziunato,

cu chilli quatte solde, povero diavolo, c’adda fa’?

Si paga ‘o pisone e nun tene a nisciuno,

non se po’ curà, nun se po’ veste e nun po’ mangnà!                                                        

Ve pare giusto che doppo na vita di onesto lavoro,

‘a carità, pe campà, avessa pure cercà?

….. E voi politici (guverno e apposizione) pe ccarità cristiana,

nun v’avita appiccicà continuamente,

ma avisseva penzà, nu poco seriamente,

a chesta società umana,

ca cchiù ppovera addeventa,

inevitabilmente, si nun se fa niente!

‘O popolo è stanco ‘e sentere sulo chiacchiere,

lasciate i vecchi rancori,

guardate nei vostri cuori

e penzate pure a l’ate….

a chi nun tene niente! 

Chesta è ‘a pulitica, ‘a pulitica ca s’adda fa’

e nun’avita sta’ a penzà a chi cchiù vo’ cummannà!

LA POLITICA

Vorrei parlare in mezzo a tanta gente/che come me non capisce niente. / Vorrei parlare di una cosa semplice:/a me pare … che tanti poveretti, /correggetemi, se sbaglio,  non sono felici/perché la vita è cara e  non si può campare … /ci sono solo bollette:  acqua, luce e gas, ogni mese, da pagare!/ E scusatemi, se insisto, /ma dobbiamo o no pur mangiare?/E per mangiare, nemmeno di patate ci possiamo saziare/ e anche il pane costa caro, il lavoro non c’è/ e non lo possiamo comprare!/ Quando c’era la lira, vi ricordate? Che ricchezza? / Ora che ci sta l’euro, ci pensate? Che tristezzaa! /Costa tutto il doppio,/ ma lo stipendio, pèrò, è sempre lo stesso/ ma se non facciamo attenzione finisce pure presto./ E non parliamo di chi è pensionato, / con quei quattro soldi, che deve fare? / Se paga l’affitto e non ha nessuno, / non si può curare, non si può vestire e non può mangiare! / Vi pare giusto che dopo una vita di onesto lavoro, / la carità, per campare, dovrebbe pure cercare? / … E voi politici (governo e opposizione) per carità cristiana, non dovete litigare continuamente, / ma dovreste pensare, un poco seriamente, / a questa società umana, / che più povera diventa, /inevitabilmente, se non si fa niente! / Il popolo è stanco di sentire solo chiacchiere, / lasciate i vecchi rancori, / guardate nei vostri cuori / e pensate pure agli altri … / a chi non  ha niente! / Questa è la politica, la politica che si deve fare, / e non dovete stare a pensare a chi più vuole comandare!

  ‘O  BACCALA’

Che cosa bella ‘o baccalà!

Mo, v’’o ddico subbeto comme muglierema ‘o ffa:

l’accatta salato, ‘o fa ‘a pezzetielle

e po’ ‘o mette, cu  ll’acqua a spunzà,  

dinto  ‘a cunchetella.

Adda sta tre ghiurne a spunzà

e s’adda tre vvote ll’acqua cagnà.

‘O mette a vollere dint’ ‘a caccavella

e quanno po’ è cuotto ‘o baccalà,

fa 'na bella nzalatella,

 ca pure ‘e ddita ve fa leccà.

Ma vuie, vuie, vulite sapè gli ingrediente?

Mo, v’ ‘o ddico:

naturalmente,

olio d’oliva per condimento,

aglie a pezzetielle,

doie aulivelle e paparuole sicche, 

da sfrìere belle belle,

dint’ ‘a patella

e po’,  s’adda  versà,  tutto  ncoppa ‘o baccalà.

Sentite,  che bell’addore ca nce  sta?

Buon’appetito,

nu belle bicchiere ‘e vine russo,

magnanne magnanne,

e doppo magnate,

alleccateve ‘e ddita! 

IL BACCALA’

Che cosa bella è il baccalà!

Ora vi dico subito come mia moglie lo fa:

lo compra salato, lo fa a pezzettini

e poi lo mette, a bagno nell’acqua,

dentro alla bacinella.

Deve stare tre giorni a bagno

E si deve tre volte l’acqua cambiare.

Lo mette a bollire dentro la pentola

e quando poi e cotto il baccalà,

fa una bella insalatella,

che pure le dita vi fa leccare.

Ma voi, voi, volete sapere gli ingredienti?

Ora ve li dico:

naturalmente,

olio d’oliva per condimento,

aglio a pezzettini,

due (un po’) ulivelle e peperoni  secchi, da friggere

bene bene nella padella

e poi si deve versare tutto sul baccalà.

Sentite che bell’odore che ci sta?

Buon appetito,

un bel bicchiere di vino rosso,

mangiando mangiando,

e dopo mangiato,

leccatevi le dita!

Vurrìa abballà cu tte sta tarantella

Bella,

vurrìa abballà cu tte sta tarantella,

pe te vasà continuamente,

sti mmanelle, 

appassiunatamente.

Po’…  quanno me sento  stango,

mme facesse, pure, sempe cu tte,  nu belle tango

e te vasasse, e te vasasse 

sta boccuccia nzuccherata,

t’ ’o ggiuro, pe quant‘è longa  sta jurnata!

Tu  ‘o ssaje, 

si ‘a vita mia!

Cu tanta fantasia,

‘e sta manera,

 i’ stesse cu  tte matina e sera!

E quanno mme guarde accussì,

Catarì,

cu st’ uocchie assassine, 

m’aggia fa' curaggio, m’aggia fa' curaggio,

cu nu perette ‘e vino

… e veve nzieme a te in alleria,

in buona compagnia!   

…  e mme mbriaco ‘e te,

pecchè, pecchè, a cchiù bella femmena

si tu, pe mme!

Vorrei ballare con te sta tarantella

Bella,

vorrei ballare con te sta tarantella,

per baciarti continuamente,

ste manelle,

appassionatamente.

Poi… quando mi sento stanco,

mi farei, pure, sempre con te, un bel tango

e ti bacerei, e ti bacerei

questa boccuccia inzuccherata,

te lo giuro, per quanto è lunga sta giornata!

Tu lo sai,

sei la vita mia,

con tanta fantasia,

in questa maniera,

io starei con te mattina e sera!

E quando mi guardi così,

Catarì,

con questi occhi assassini,

mi devo far coraggio, mi devo far coraggio,

con un fiasco di vino

.... e bevo insieme a te in allegria,

in buona compagnia!

…. e mi ubriaco di te,

perché, perché la più bella donna

sei tu per me!

‘A  cazziata

I’ nun saccio pecchè,

succere sempe tutt’a mme:

Steve, cuieto cuieto, assettate,

quanno, comme a ‘na scuppettata,

‘na voce gridazzara,

dint’ ‘e recchie m’ è arrivata.

Era muglierema c’alluccava e… no, nun se calmava:

- Guagliò, tu, si ‘nu poco arrunzone.

Tu, nun hê lassà ‘o cazone spuorco ncoppa ‘a poltrona,

te l’aggio ditto mille vote!

Io, io, nun songo ‘a cammarera toia, ‘o buò capì?

Quanta vote te l’aggia dì?

- Scusa,  Carmè, tu tiene raggione,

ma ‘o cazone,

‘o cazone, i’ l’aggio sulo appuggiato,

po’, m’aggio ‘nu poco addurmuto e m’aggio scurdato.

C’aggia fà … ma tu,  tu, che te ncazz’ ‘a ffà?

So’ ccose, ca ponno capità!

…Ncoppa ‘a fatica, è succiesso n’ata cosa.

Stevemo parlanno, cu ‘a cullega Rosa,

quanno s’appresenta ‘o direttore a l’antrasatta

e m’addummanna: - Chella cosa, l’ hê fatta?

- Diretto’, scusate, ‘e che se tratta?

…Uhhh,  m’aggio scurdato!

- Comme t’ hê scurdato!?

Te l’aggio ditto tanto bello!

E mmo, che brutta figura

mme fai fà cu ‘o revisore,

ca  vene apposta da Alberobello?

Mme pozzo fidà cchiù ‘e ‘na criatura, ca ‘e te Salvatore!

Mmo, speriamo bbene!

Pecchè, se chille vene,

so’,  pe tutte quante, relure ‘e panza! -

Tu si distratto, t’ hê stà accorto,

accussì, no, nun putimme ì’ nnanze!

I’, c’aggia fà'?

…T’aggia sempe cazzià?!