LaRecherche.it
Scrivi un commento
al testo di Pietro Menditto
|
|||||||||
Io t’offre nu mandarino ‘e Natale e tu me chiede : E’ doce o è acrigno? Pecché si nunn’è doce, pe’ me nun vale: Natale nun po’ essere maligno! Forse hai ragione; ma io manc’o saccio che d’è sta festa; nunn’è facile ‘a pesà chell’ ca vene, chello ca va, chello ca resta… Però te voglio dicere: stu frutto giallo tu mangialo ugualmente, pure si è nu poco acievero; stu frutto nato dint’o verde cupo ‘e nu ciardino ‘e vierno. Pecché si Natale, comme tu dice, fosse tutto doce, nun fernesse ‘nt’a tristezza ‘e na Quaresima, nun muresse ‘ncopp’e lacreme ‘e na Croce. (2005) |
|