‘O GIURIZZIO UNIVERSITARIO

E mo’ ch’arriva,quanno fa l’anniversario,

‘o juorno r’ò Giurizzio Universitario,

tutte ‘e malamente ‘e chesta faccia ‘e terra,

hanna canoscere che vordi’ ‘a parola famma,

che significa a faticà ddurece ore ‘o juorno

pe’ purtà a casa nu’ muorzo ‘e pane, e sfamà

‘na famiglia ca’ sta prianno ‘o Pataterno

ca’ ‘a fatica nun fernesce, ‘a camorra s’arriposa

e chille r’è tasse fanne ‘e ccose jiuste

senz’à arrubbà ‘o pane ‘e chi tene famme.

Tutt’à ggente chiavica e fetente, addà suffrì

cumm’hanno sufferto ‘e puverielle,

ca’ pe’ s’abbuscà nu’ muorze e pane,

hann’ avuta acalà a capa tanti vvote,

strignennese ‘a fiurella  d’à Maronna

‘ngoppa ‘o pietto ‘nfunnennela ‘e surore,

ca’ scurreva cumm’ò sanghe ‘e Cristo ‘ncroce,

ca’ se sacrificava pe’ sarvà la cosiddetta umanità.

V’adda aspettà all’urdemo traguardo

‘e chella fetenzìa  d’à vita vosta cunzolata,

co’ ‘e stiente, ‘a fatica e ‘o surore ‘e ll’ate.

E allora pe’ mariuoli, ‘e struzzini, ‘e ricuttare,

hadda appriparà ‘nu pruciesso sommario,

ca’ è arrivato ‘o Giurizzio Universitario!!!

Catello Nastro

Anche io ho rubato la marmellata…

Ma solo un cucchiaino, non il barattolo!

TRADUZIONE

Quando arriverà il Giudizio Universale, tutti i cattivi dovranno rispondere davanti a Dio dei loro misfatti. E per ognuno di essi ci sarà la giusta condanna. Ma le pene più severe ci saranno per coloro che hanno approfittato dei deboli, hanno sfruttato i lavoratori con salari da fame, hanno tolto il pane dalla bocca dei bambini per soddisfare i loro bassi istinti che nemmeno gli animali evidenziano. La Fede, la vera Fede, ha sorretto e sorreggerà la povera gente che spera di trovare la solidarietà umana in questo mondo e la giustizia nell’altro…