Pubblicato il 02/02/2016 23:47:33
I libbra novi
Dintra la me muderna libbreria,
tra nomi d'oru e fodiri di prugnu,
cci stava un vecchiu libbru di puisia
strinciutu comu un occhiu dintra un pugnu.
Scusatimi! Ma pi sta frinisia
di scriviri pi rima 'un mi nn'addugnu,
avia di diri un pugnu dintra un occhiu,
ma pari propiu ca mi cci 'mpapocchiu.
Dicemu puru comu s'havi a diri,
dicisi ca di dda l'avia a livari
cussì cu i molli, jennu a ghiri a ghiri,
nisciu e mi lu misi pi sfugghiari
e chistu fu ca propiu nto finiri
truvai na frasi alquantu singulari,
dicia cussi: si parri di la vita
scrivila a 'nchiostru e jetta la matita.
Corpu ntra corpu, dicu 'n-fidi mia,
forsi a primura o puru ca distrattu
di chiddu chi man manu cci liggia
dintra ddu libbru vecchiu ancora ntattu,
m'appujavu tanticchia a libbreria
e bedda matri nun l'avissi fattu!
Ca i bedda libbra novi a l'appujari
sataru tutti 'n-fila e pari pari.
« indietro |
stampa |
invia ad un amico »
# 2 commenti: Leggi |
Commenta » |
commenta con il testo a fronte »
I testi, le immagini o i video pubblicati in questa pagina, laddove non facciano parte dei contenuti o del layout grafico gestiti direttamente da LaRecherche.it, sono da considerarsi pubblicati direttamente dall'autore Nicasio Riggio, dunque senza un filtro diretto della Redazione, che comunque esercita un controllo, ma qualcosa può sfuggire, pertanto, qualora si ravvisassero attribuzioni non corrette di Opere o violazioni del diritto d'autore si invita a contattare direttamente la Redazione a questa e-mail: redazione@larecherche.it, indicando chiaramente la questione e riportando il collegamento a questa medesima pagina. Si ringrazia per la collaborazione.
|
