‘0 RICORDO E’ passato quacche gghiurno sulamente, ‘a quanne riciette cu ‘nu felille ‘e voce a tte e cu ‘o core stritto stritto mmano, pe ‘a paura ca se ne fujesse ‘a me, luntanamente, ca tu, tu, eri tutto pe mme: ‘O cielo, ‘o sole, ‘a terra, ll’aria ca respiro. Cu ll’uocchie nfuse ‘e felicità me guardaste, me strigniste forte forte a tte e me vasaste, appassiunatamente. I’ era accussì cunfuso, nun capive cchiù niente: te guardave e te vasave, te vasave e… te guardave. … Era overo, sunnave, o steve scetate? Saccio sulo ca tu, tu mò, nun ce si cchiù e ‘e te tengo mmente, sulo ‘o ricordo ‘e ‘na guagliona doce e nnammurata … Forse chesta, è sulo ‘na fantasia d’ ‘o core mio malato? Forse, tu nun si mai esistita overamente? e… si, tu, nun si mai esistita overamente io, che tte cerco a ffà?! | IL RICORDO E’ passato qualche giorno solamente, da quando dissi con un filo di voce a te e con il cuore stretto stretto in mano, per la paura che se ne fuggjsse da me, lontanamente, che tu, tu, eri tutto per me: Il cielo, il sole, la terra, l’aria che respiro. Con gli occhi bagnati di felicità mi guardasti, mi stringesti forte forte a te e mi baciasti, appassionatamente. Io ero così confuso, non capivo più niente: ti guardavo e ti baciavo, ti baciavo e… ti guardavo. … Era vero, sognavo, o stavo sveglio? So solo che tu, tu mò, non ci sei più e di te ho in mente, solo il ricordo di una ragazza dolce e innammorata … Forse questa, è solo una fantasia del cuore mio malato? Forse, tu non sei mai esistita veramente? e… se, tu, non sei mai esistita veramente io, che ti cerco a fare?! |
